antimusikk: det motsette av musikk. Antimusikk blir skapt ved dekomposisjon
av musikk (sd) Resultatet er som regel ny musikk (sd)
atonal:, sjå ny musikk.
Aukrust, Kjell. humorist, forfattar og komponist
som komponerte vha. hagle. Sjå samtidsmusikk-3.
bokstavkjeksteknikk: Ny teknikk der librettoen
til ein ny opera (sd) vert laga ved å trekkja bokstavar ut av ein bokstavkjekspakke
med tilbakelegging. Same teknikk har også vore brukt til komposisjon med hell
av ma. Arne Nordheim.
Bødrene Dahl. Gruppe som laga spektralmusikk som ein gong var ny
musikk(sd), men som no er gammal musikk. Sjå klassisk musikk.
BT. Avis der størrelsen på musikkanmeldelsen er omvent proporsjonale
med musikkens popularitet (sjå Publikum) og seriøsitet, og der tida
mellom anmeldelsen og framførelsen er proporsjonal med populariteten. (sjå
samtidsmusikk)
dekomposisjon:, det motsette av
komposisjon (sd), dvs. å plukka musikk frå kvarandre eller om ein
vil, å skapa antimusikk (sd). Ein skulle tru at dersom ein dekomponerer
antimusikk (feks. ein tolvtoneverk) så får ein musikk, men det er bare i sjeldne
tilfelle dette skjer.
dissonans:, det motsette av Konsonans (sd) sjå også Ny
musikk.
klassisk musikk: forelda musikk. Bruker konsonans (sd.) i overdreven
grad.
fullfinansiert: framføring som ikkje treng publikum(sd),
sjå virtuell opera.
komposisjon, det motsette av dekomposisjon (sd), dvs. å
skapa musikk ut av ingenting (eller antimusikk.)
konsonans: samklang, vellyd. mots. av dissonans (sd). Arkaisk
prinsipp ofte nytta i klassisk musikk (sd.)
kvantemusikk:. Sjå ny musikk. Avleggs fysikk kallast klassisk
fysikk, moderne (sk. samtidsfysikk) kallast kvantefysikk, slik også i musikken.
Kvantemusikken gir forklaring på fenomen som virtuell opera, antimusikk
osv.
musiker: utgiftspost. I moderne musikk for det meste erstatta av
eit dataprogram. Sjå også solist.
ny musikk: sjå samtidsmusikk
ny opera. sjå ny musikk, nytale og nyskrift
nyskrift. sjå punktskrift og tolvbokstavteknikk.
nytale: sjå ny musikk.
Opera Parallella: form for parallell musikk (sd.) Motsatt av Opera
Seria (sd.)
Opera Seria: seriell opera. Motsett av Opera Parallella (sd.) sjå
også seriell musikk
parallell musikk: motsatt av seriell musikk (sd.) Musikk der fleire
verk blir spelt samtidig, altså ein form for samtidsmusikk (sd.)
partitur: Visuell oversikt over alle notane i eit verk. I moderne
musikk erstatta av eit dataprogram.
pausemusikk: form for punktmusikk (sd.) som bare består av
pausar. Som regel et resultat av ein sk. dekomposisjon. (sd.)
publikum: Inntektskjelde ein er avhengig av når ein ikkje er fullfinansiert.
(sd), dvs. på ein reell opera (sd.)
punktmusikk:
tradisjonelt ein betegnelse på ein stilart innan ny musikk (sd),
der tonar eller tonegrupper stadig vert adskilt av pausar. Sjå også Vissvass.
samtidsmusikk (i betydning 1) som er uendelig kort, mao. der
alt foregår på same tidspunkt. (Sjå virtuell opera)
musikk for døve. (Sjå Punktskrift)
punktskrift: dss. blindeskrift.
reell opera: Opera som faktisk blir framført, og som dermed har
publikum (sd.). Motsatt av virtuell opera (sd.)
samtidmusikk:
musikk som vert komponert og framført samtidig.
musikk der alle notane vert spelt samtidig. Dette er ytterligare "demokratisering"
av Tolvtonemusikken. (sd)
musikk der mange verk vert spelt samtidig. Dette kallast parallell
musikk. (sd)
musikk der heile verket er komponert samtidig. Dette går an ved såkalt
"haglekomponering" der notane vert skotne med hagle. Sjå Aukrust,kjell.
musikk der lyttarar og utøvarar bur i same tidssone.
musikk som vert anmeldt samtidig som (eller før) den vert framført.
Sjå BT.
musikk som alle blandt publikum kan høyra samtidig som den blir spelt.
Som kjent set lydhastigheten grenser for kor stort publikum (sd)
du då kan ha.
musikk der utbetaling av musikarar foregår samtidig med framførselsen.
Dette er enklast å få til ved sk. Fullfinanisering. (sd)
seriell musikk. Kategori innen Ny musikk (sd) der komposisjonen er
basert på ein talserie eller på proporsjonane mellom mellom dei forskjellige
komponentane i ein slik serie. Motsatt av parallell musikk (sd.) Seriell opera kallast Opera Seria. (sd.) Sjå også Vissvass.
sjansemusikk: sjå sjansespill.
sjansespill: musikkdramatikk med uviss utgang, dvs. Regionsopera.
solist: utgiftspost. I eldre tider nødvendig for å framføra ein sk. arie. I moderne musikk som regel erstatta med ein platespelar..
spektralmusikk: sjå Brødrene Dahl.
tolvnotemusikk: form for tolvtonemusikk (sd.) der ein bare har tolv notar. Verk laga på denne måten
går heldigvis fort over.
tolvtonemusikk: musikk som er basert på at alle dei tolv tonane i skalaen
er likeverdige. Ingen av tonane skal repeterast før dei andre er spelt.
Dette er altså ein meir "demokratisk" musikk. Det mest tenkelig demokratiske
er når alle notane vert spelt samtidig. Sjå Samtidsmusikk.
Ein dekomposisjon (sd.) av eit tolvtoneverk vil kunna resultera i feks. 140 c, 140 d, 140 e osv.
Sjå også tolvbokstavteknikk og vissvass.
tolvbokstavteknikk: form for bokstavkjeksteknikk.(sd) med bare tolv bokstavar, feks. a til l. Verk med
bare konsonantar kallast russisk. Verk med bare vokalar kallast undertiden dansk.
uframføring:. Første gong eit uframførbart verk (sjå Virtuell
Opera) ikkje vart framført.
virtuell opera: dss. fullfinansiert
(sd.) opera. Opera som bare har et budsjett, men ingen oppsetning. Motsatt
av reell opera (sd.)
vissvass: forsøk på å forklara kva samtidmusikk (sd) er.